Latest News

Guj CM Shri Vijaybhai Rupani lays foundation of 100 MLD Desalination Plant at Dahej

    મુખ્યમંત્રી શ્રી વિજયભાઇ રૂપાણી દ્વારા  ભરૂચના દહેજમાં GIDC દ્વારા નિર્માણ થનારા ઔદ્યોગિક હેતુસરના દેશના સૌપ્રથમ ૧૦૦ MLD ક્ષમતાના ડિસેલીનેશન પ્લાન્ટનું ભૂમિપૂજન

    દહેજ ઔદ્યોગિક વસાહતના ઊદ્યોગો માટે અવિરત પાણીની જરૂરિયાત મુજબ પ્રવર્તમાન ૪પ૪ MLD પાણી પૂરવઠા યોજના સ્થાપિત થયેલી છે. આ PCPIR વસાહતનો પૂર્ણત: વિકાસ થતાં ૧૦૦૦ MLD પાણીની જરૂરિયાતોનો અંદાજ છે.

    આ જરૂરિયાતને પહોચી વળવાના હેતુસર પાણીના વૈકલ્પિક સ્ત્રોત તરીકે સમુદ્રના ખારા પાણીના શુધ્ધિકરણથી તેને ઉપયોગ યુકત બનાવવા ૧૦૦ MLD ક્ષમતાનો ડિસેલીનેશન પ્લાન્ટ દહેજમાં નિર્માણ થવાનો છે.

    આ ડિસેલીનેશન પ્લાન્ટ રપ હેકટર વિસ્તારમાં રૂ. ૮૮૧ કરોડના ખર્ચે આકાર પામશે તેમજ ડિસેલીનેશનનો પ્રોજેકટ પૂર્ણ થવાથી કુલ પપપ MLD જથ્થો ઉપલબ્ધ થવાનો છે.

    આ ડિસેલીનેશન પ્લાન્ટમાં દહેજના દરિયાના પાણીમાં મોટા પ્રમાણમાં Turbidity તેમજ TDS અને Chloride હોવાના કારણે અન્ય સ્થળે કાર્યરત પ્લાન્ટની સરખામણીમાં ઔદ્યોગિક એકમો માટેની જરૂરિયાત મુજબ પાણીના શુધ્ધિકરણની પ્રક્રિયા માટે એક વધારાનું Reverse Osmosis (BWRO) સ્ટેજ રાખવામાં આવેલું છે.

    તદ્દઉપરાંત, દરિયાનું પાણી શુધ્ધિકરણની પ્રક્રિયા માટે ડિસેલીનેશન પ્લાન્ટમાં આવતા પહેલા ર૦ એકરમાં સેટલિંગ પોંડ (તળાવ) બનાવવાની જોગવાઇ પણ કરવામાં આવેલ છે.

    આ ડિસેલીનેશન પ્લાન્ટ મારફત ઉપલબ્ધ થનાર પાણીની ગુણવત્તા નર્મદા નદીના પાણીની ગુણવત્તાને અનુરૂપ રહેશે.

    અત્રે એ નિર્દેશ કરવો જરૂરી છે કે મુખ્યમંત્રીશ્રીએ ૧૬૦૦ કિ.મી. લાંબો સમુદ્રકિનારો ધરાવતા ગુજરાતમાં દરિયાઇ પાણીનો ઊદ્યોગો તેમજ અન્ય વપરાશ માટે ઉપયોગ કરવાના હેતુસર રાજ્યમાં ૮ ડિસેલીનેશન પ્લાન્ટસ સ્થાપવાનો અભિગમ અપનાવ્યો છે. ગુજરાત ઔદ્યોગિક વિકાસ નિગમ દ્વારા તે અંતર્ગત આ દહેજ ડિસેલીનેશન પ્લાન્ટનું નિર્માણ થવાનું છે.

    Source: Information Department, Gujarat