Latest News
જામનગરના જોડીયામાં સી વોટર ડીસેલિનેશન પ્લાન્ટ ની પ્રાઈસ ડિસ્કવરી માટે મુખ્યમંત્રીશ્રીની સૈદ્ધાંતિક મંજૂરી
- દૈનિક ૧૦ કરોડ લીટર સમુદ્રનું ખારાશવાળું પાણી ડીસેલિનેશનથી પીવા યુક્ત બનશે
- જામનગર, દેવભૂમિ દ્વારકા, રાજકોટ, પોરબંદર, મોરબી, કચ્છના શહેરી ગ્રામ્ય ક્ષેત્રોમાં પાણી પહોંચાડવાનું પ્રજાભિમુખ કદમ
મુખ્યમંત્રી શ્રી વિજયભાઇ રૂપાણીએ સૌરાષ્ટ્ર-કચ્છના શહેરી ગ્રામ્ય વિસ્તારની પીવાના પાણીની આંશિક જળસલામતિ માટે એક નવતર અભિગમ રૂપે જામનગરના જોડીયામાં સી વોટર ડીસેલિનેશન પ્લાન્ટની રચના માટે પ્રાઈસ ડિસ્કવરી માટે સૈદ્ધાંતિક મંજૂરી આપી છે.
આ વિસ્તારોમાં નર્મદા જળ આધારિત સિંચાઈ અને પાણીની જરૂરિયાતો ઉપરાંત જળસલામતિ માટે આ ડીસેલિનેશન પ્લાન્ટ રાજ્ય સરકારના પ્રજાભિમુખ અભિગમની પ્રતિબદ્ધતા રૂપે ભવિષ્યમાં સાકાર થશે.
આ પ્લાન્ટથી સમૂદ્રના ખારાશવાળા ૧૦ કરોડ લીટર પાણીનું દૈનિક ડી સેલિનેશન કરીને જામનગર, દેવભૂમિ દ્વારકા, રાજકોટ, પોરબંદર, મોરબી, કચ્છ જિલ્લાઓના શહેરી-ગ્રામ્ય વિસ્તારમાં પહોંચાડાશે.
રાજ્ય સરકાર પબ્લિક પ્રાયવેટ પાર્ટનર શીપના ધોરણે આ પ્લાન્ટ કાર્યરત કરવાની છે. જોડીયાના આ ડીસેલિનેશન પ્લાન્ટનું પાણી કનેક્ટિંગ પાઈપલાઈનથી ૫૫ કિમી દૂર મોરબીના હીરાપર સંપ ખાતે પહોંચાડવામાં આવશે. ત્યાંથી સંબંધિત જિલ્લાઓના ગામો-શહેરોને પહોંચાડાશે.
આ ડીસેલિનેશન પ્લાન્ટના પરિણામે હાલ દરિયાના ખારા પાણીને પીવાના પાણી તરીકે ઉપયોગમાં લેવાની પ્રક્રિયા હાથ ધરી સૌરાષ્ટ્ર-કચ્છના વિસ્તારમાં પેય જળ ભવિષ્યમાં પૂરૂં પાડવાનું રાજ્ય સરકારનું દિશાદર્શક આયોજન છે.
Source: Information Department, Gujarat
Photo Gallery
રવિ કૃષિ મહોત્સવ 2023
સુરક્ષા નેતૃત્વ સમિટ 2023
મુખ્યમંત્રીશ્રીએ વિસનગર ખાતે વિવિધ વિકાસ યોજનાઓનું ઉદ્ઘાટન કર્યું
NFSU, ગાંધીનગર ખાતે 12મી ઇન્ટરપા કોન્ફરન્સ
વડનગર ખાતે તાના રીરી ઉત્સવ
